hier.

營業中

休息中

公司附近有間cafe 小店，座位得三個，多數人買外賣，今日難得空閒就坐低hea下飲杯野。Orange Americano，Orange juice with expresso，圖片2 層 橙汁同咖啡分開比較吸睛，飲落橙汁既味道唔夠出，偏苦，不過我都喜歡飲呢類型既咖啡，平時多數溝soda/ tonic water 。Pistachio Latte開心果味好濃，仲有啲麥味，一句講晒，出色。平時食得太heavy，間中真係要食清啲，叫左個Salad combo有2 款，印式烤蝦沙律同埋吞拿魚螺絲粉配自家製意大利黑醋汁，酸酸地清新醒胃，岩晒夏天食。裡面仲有啲鷹嘴豆、紅腰豆、羽衣甘藍、蕃茄仔，豐富。Cafe 既Handmade bagel 同鬆餅來自享樂烘焙，我一向都有食開享樂，有品質保證。平時多數食麻糬貝果，今次食左芋泥貝果，質地依舊煙韌得黎唔會過硬，餡料都好多，另外提子鬆餅，好香好鬆化，推介。