築地番本日式放題 (已結業)

又係一星期一度同媽媽出街食飯既日子（大個女就係甘，呢d錢唔慳得），媽媽話想食放題，就決定帶佢去朋友介紹既築地番本。跟住地址，原來都唔易搵，差少少就去錯。坐低後見到放題紙成本書甘厚，睇見都興奮。好快野食就上枱了，熟食味道不過不失。壽司刺身睇落已經好輪睇頭，壽司細細件握得好靚，魚生表面有光澤好新鮮。壽司當中最吸引係小小既卷物，細細件易入口又唔飽，可以食多幾件。佢地既壽司飯都高質，小小酸，唔鬆散。卷物方面都好有心思，有唔同既配搭，每一款都有驚喜。最鍾意係芝士鰻魚卷，鰻魚味道甜甜無腥味，芝士香濃入口creamy，正。刺身當中，甜蝦有頭大大隻，好夠睇頭，而且入口鮮甜。三文魚係媽媽最愛，佢都幾滿意。我最鍾意就係油甘魚，佢地用左腩位厚切，十分肥美。一口咬落，滿滿既魚油溢出，鮮甜既魚味充滿口腔，食完後仲有魚油既香味充滿住，十分滿足。食到差唔多後就有另一重頭戲-帽子戲法。帽子下面係一係粥底既蒸爐，將自選既海鮮放0係爐面，放上帽子。粥既蒸氣會將上層既海鮮蒸熟，同時上層海鮮既精華會流落下層既粥底。打開帽子，蒸熟既海鮮香氣四溢，入口鮮甜。但重頭戲原來係最後既粥底，軟綿綿既粥底吸收哂海鮮既精華，雖然係入口只有白