影片
更多
2017-12-13
2895 瀏覽
邊爐怪又出動喇！我鍾意打邊爐嘅程度係可以連續成個禮拜都打邊爐，真係好痴線！呢排個天氣轉涼，一諗唔到煮乜嘢好就想出去打邊爐！今次上OpenRice就搵到呢間醉翁亭！原來佢係北斗翁旗下㗎！佢係食半放題邊爐，有啲係佢一個套餐咁俾你，有啲就可以任叫嘅！我哋係星期四去食，每位298 ，但係真係飽到飛天！最緊要嘅係啲嘢食質素非常高！首先我哋就揀咗個湯底先，大少想食雞煲，咁我哋就試吓個雞煲啦，問問店員，佢話之後可以幫我地轉返個清湯底打邊爐都得，咁就絕對要試雞煲啦！因為我唔係好食得辣嘅關係，問咗姨姨佢話唔係話非常辣，食落去真係麻多過辣！啲雞肉都仲好嫩滑，又夠入味，我哋迅速就食晒煲雞啦！雞煲係可以添加嘅，但係我又想打邊爐所以就唔再加雞啦！個餐有個刺身拼盤，非常新鮮，個三文魚直頭係厚切呢一個蠔皇金錢花膠真係冇得頂！好似我呢啲女人仔，一日掛住骨膠原，呢兩塊花膠真係不得了！ 半隻手掌咁大㗎花膠下邊內藏一隻冬菇，忟到啱啱好又入味，連我平時唔係好好冬菇都忍唔住食晒成隻呀！呢個牛頸脊，睇吓佢啲脂肪分佈就知道有幾好食啦！完全冇筋，又唔會話太肥，喺出邊好可能兩舊水一碟都冇咁好質素啊！何況而家係298一個人咋喎！超值！呢
呢排個天氣轉涼，一諗唔到煮乜嘢好就想出去打邊爐！今次上OpenRice就搵到呢間醉翁亭！原來佢係北斗翁旗下㗎！佢係食半放題邊爐，有啲係佢一個套餐咁俾你，有啲就可以任叫嘅！
我哋係星期四去食，每位298 ，但係真係飽到飛天！最緊要嘅係啲嘢食質素非常高！
首先我哋就揀咗個湯底先，大少想食雞煲，咁我哋就試吓個雞煲啦，問問店員，佢話之後可以幫我地轉返個清湯底打邊爐都得，咁就絕對要試雞煲啦！
因為我唔係好食得辣嘅關係，問咗姨姨佢話唔係話非常辣，食落去真係麻多過辣！啲雞肉都仲好嫩滑，又夠入味，我哋迅速就食晒煲雞啦！雞煲係可以添加嘅，但係我又想打邊爐所以就唔再加雞啦！
個餐有個刺身拼盤，非常新鮮，個三文魚直頭係厚切
呢一個蠔皇金錢花膠真係冇得頂！好似我呢啲女人仔，一日掛住骨膠原，呢兩塊花膠真係不得了！ 半隻手掌咁大㗎花膠下邊內藏一隻冬菇，忟到啱啱好又入味，連我平時唔係好好冬菇都忍唔住食晒成隻呀！
極級牛頸脊
73 瀏覽
0 讚好
0 留言
呢個牛頸脊，睇吓佢啲脂肪分佈就知道有幾好食啦！完全冇筋，又唔會話太肥，喺出邊好可能兩舊水一碟都冇咁好質素啊！何況而家係298一個人咋喎！超值！
呢個海鮮拼盤嗰隻蚌先甜到呢……可惜嘅係我又唔食呢啲青口，又唔鍾意食魷魚，不過老公話兩樣都好食，佢連啲蝦都有膏㗎
跟餐嘅仲有呢個水餃王，佢真係冇改錯名啊！隻水餃入邊九成都係蝦！唔會好似出面揸流攤嗰啲咁係溝肥豬肉！仲要好大隻，你睇吓碌完之後仲幾大隻！
其實食完個餐本身跟嘅嘢都已經好飽，我哋再叫咗啲菜同埋少少丸， 已經好足夠！
我哋叫埋單嘅時候，姨姨問我地食乜嘢甜品，我就梗係揀熱嘅糖水，而大少就揀咗雪糕。個糖水係紅豆紫米露，唔會太掂啱啱好，係一個完美嘅句號啊！
張貼
