影片
更多
2009-10-30
8 瀏覽
星期三, 女友去了旅行未返, 父母去了飲喜酒, 正想找人陪食飯之際, 突然收到食友之來電, 5條佬相約 "深長水" <----- 我位BBC老友, 教左佢十次, Tsim Sha Tsui 叫尖沙咀......佢永遠都唔記得......"深長水"相個只有我明佢up乜.........大家相約在妹記. 上次黎妹記, 已是昔日在金巴利街的大排檔的時代, 如今入了鋪, 一落某商業大廈地庫, 地方闊大, far end仲有一個人黑版.......一個好得意既感覺....就是什麼校友會宴, 係學校課室/禮堂擺酒咁......黎得妹記, 唔食小炒食乜. 當中梗有一些內臟食物, 香口的炸點, 同入秋了, 羊啊.......當然, 名物鬼馬油炸鬼當然是必點啦.先來一個例湯, 叫什麼名堂不記得了, 總之是一窩不錯的老火湯啦, 飲落清甜, 肉味骨味全部煲哂出黎. 除了有味精味之外, 個湯算是冇得彈.第一碟菜, 是我嚷著要食的炒虎尖椒. 不要以為辣椒, 就一定勁辣, (直接食.....咪玩啦.....), 其實並非隻隻辣椒都是超辣, 最辣其實是個核囊, 去了核的辣椒, 辣度其實已經減了大半. 用了豆
大家相約在妹記. 上次黎妹記, 已是昔日在金巴利街的大排檔的時代, 如今入了鋪, 一落某商業大廈地庫, 地方闊大, far end仲有一個人黑版.......一個好得意既感覺....就是什麼校友會宴, 係學校課室/禮堂擺酒咁......
黎得妹記, 唔食小炒食乜. 當中梗有一些內臟食物, 香口的炸點, 同入秋了, 羊啊.......當然, 名物鬼馬油炸鬼當然是必點啦.
先來一個例湯, 叫什麼名堂不記得了, 總之是一窩不錯的老火湯啦, 飲落清甜, 肉味骨味全部煲哂出黎. 除了有味精味之外, 個湯算是冇得彈.
第一碟菜, 是我嚷著要食的炒虎尖椒. 不要以為辣椒, 就一定勁辣, (直接食.....咪玩啦.....), 其實並非隻隻辣椒都是超辣, 最辣其實是個核囊, 去了核的辣椒, 辣度其實已經減了大半. 用了豆豉去炒, 辣辣地, 用來做前點, 開開胃, 幾好架....
之後, 是味道比較濃烈的炸大腸, 皮脆脆地.....只可以用脆脆地黎形容. 碟頭, 份量, 其實好細, 大家一圈圈的大腸, 佢就一條條小氣長條......唔夠咬口既呢....送啤酒亦不夠爽.
蒜子雞吧, 沒記錯的話就叫蒜子雞, 雞嫩但沒有雞味, 雞味應該已經冰鮮左......脆皮是有的. 算是可以啦.....
招牌了, 鬼馬炸兩, 同了墨魚滑, 釀入油炸鬼內, 只不過出面油條硬左少少. 要有牙力, 才咬得入, (尤其是頭尾位), 亦證明呢氣油炸鬼, 果然有實力. 味道整體上是惹味可口的, 係硬左少少姐....
開始入冬, 是食羊既時候....不過這個羊就失色了....南乳味不夠, 水份過多, 幸好, 仲有羶味. 腐竹亦不是次貨硬竹.
停了一大輛.....又係漏單......又冇得食豬手, 叫了廚房跟單, 回來只白留了一個八爪魚咀, 豬手, 因各人已夠飽關係, 取消了. 在來八爪魚咀之前, 是加餸時段, 加了一個飛天通菜同一個小炒王. 飛天通菜, 應該是一個非常香口既東南亞式炒菜, 鑊氣, 感覺上是有的, 但那些香味, 似乎唔夠, 而且, 比起平常係泰國餐館食到既飛天....油好多.....本來打算黎道青菜健康點, 誰知更不健康.
小炒王.....食友說憑是用乾貨去炒...但這兒用上鮮蝦, 鮮魷....感覺上是"升呢", 實際上是"跌呢", 我一食, 仲以為係外國式既炒雜碎......
八爪魚咀, 可惜啤酒已經飲哂, 大家亦決定事後再啤多一啤. 齋食, 用茶送.......味道是香口, 口感彈彈的. 好得意.
食飽走人, 妹記新地方, 其實同舊地方差無幾....不過, 呢次食, 同上次食, 已經感覺到, 差了.
張貼
