影片
更多
2023-07-27
1268 瀏覽
耐唔耐鋪燒肉癮就發作，想食和牛又唔想就住就住，朋友介紹I-Square既 #燒肉牛藏，印象中開業多年，一直未有機會試，依家有和牛任食放題，仲要無時限，當然要試試。放題套餐有唔同價位選擇，最平$298就有精選和牛餐，用埋快閃優惠再平$30，激抵！而我地一心想豪食和牛無限制，就揀左$638 既和牛刺身任食套餐，價錢係有啲貴，但可以任食日本和澳洲和牛，回到本。室內燈光較昏暗，都幾有格調，我哋被安排座卡位，幾有日式居酒屋風味。肉類和主食以QR code落單，小食、前菜、甜品、飲品就喺自助區自取。目標明確食和牛，所以集中專攻和牛，分別有日本和牛及澳洲和牛，其他肉類仲有西班牙黑毛豬、雞肉、羊架等等。另外仲有海鮮、熟食、甜品等等，食物種類多。兩款和牛都各特色，日本和牛油花多，肉稔而豐潤；澳洲和牛肉味濃郁，口感較強，相間來吃最滋味。部位有西冷、肉眼、牛肋骨、薄切牛舌等，滿足到各人的喜好，我就喜歡肉眼較稔滑、朋友喜歡西冷有嚼勁，燒既時侯飄來油香肉香都令人垂涎欲滴了。單單和牛已encore很多次，好滿足。另外有刺身任食。一向日式放題既刺身水準也是普通，但這裡的刺身卻頗高質，厚切三文魚新鮮黐稠，入口即溶，口
放題套餐有唔同價位選擇，最平$298就有精選和牛餐，用埋快閃優惠再平$30，激抵！而我地一心想豪食和牛無限制，就揀左$638 既和牛刺身任食套餐，價錢係有啲貴，但可以任食日本和澳洲和牛，回到本。
室內燈光較昏暗，都幾有格調，我哋被安排座卡位，幾有日式居酒屋風味。
肉類和主食以QR code落單，小食、前菜、甜品、飲品就喺自助區自取。
目標明確食和牛，所以集中專攻和牛，分別有日本和牛及澳洲和牛，其他肉類仲有西班牙黑毛豬、雞肉、羊架等等。另外仲有海鮮、熟食、甜品等等，食物種類多。
兩款和牛都各特色，日本和牛油花多，肉稔而豐潤；澳洲和牛肉味濃郁，口感較強，相間來吃最滋味。
部位有西冷、肉眼、牛肋骨、薄切牛舌等，滿足到各人的喜好，我就喜歡肉眼較稔滑、朋友喜歡西冷有嚼勁，燒既時侯飄來油香肉香都令人垂涎欲滴了。單單和牛已encore很多次，好滿足。
另外有刺身任食。一向日式放題既刺身水準也是普通，但這裡的刺身卻頗高質，厚切三文魚新鮮黐稠，入口即溶，口感鮮嫩；仲有油甘魚肉爽味道獨特，帶子鮮甜滑溜，甜蝦鮮軟。
炸物也保留熱度，炸薯餅、炸蕃薯、榴槤炸蛋都香脆好味。
另外有多款蔬菜和我最喜歡既菠蘿片，微微燒香果糖溢出更香甜和juicy，解膩消滯。
最後每人贈送一杯Movenpick雪糕，唔夠喉自助區有多款西式切餅和中式糕點任拎。
仲俾我揾到韓國西瓜味冰條，好fresh 好清甜，最後食左2支，好開心🤩
慢慢食幾個鐘原來都食左好多野，唔洗趕頭趕命咁先係享受😎
張貼
