牛角日本燒肉專門店 (荃新天地2)

營業中

休息中

成日聽人講話牛角好好食，我已經超耐無食過啦，差唔多有十年未食過，如果無記錯以前未有咁多分店佢喺旺角得一間個陣係幾好食嘅。今日兩個人黎食左個HSBC套餐，用匯豐卡可以有優惠價套餐，都幾豐富下。座位係好闊落嘅坐得幾舒服前菜有三款小食、蕃茄、豆腐同埋青瓜，沙律和牛食完有少少滯因為油脂太豐富，全部都普普通通無咩特別，相比之下豚肉＆牛舌比較好反而係配角 牛角飯最好食，甲羅燒職員無介紹原來要撈均食唔知係忙定係點，長期都好難搵到侍應幫手，服務麻麻，呼天不應叫地不聞，性價比亦低，加埋一都要四百幾，基本上都唔太抵食同埋都無服務最唔明點解要加一囉。