日之食放題館 (已結業)

今晚終於都去試咗日之食喇！嗯....啲食物 OK 啦。魚生我叫咗生蝦，三文魚，鮑魚，墨魚，仲有三種唔記得咩魚嘅刺身。我自己就覺得三文魚（都肥美嘅）同生蝦（OK啦，以咁嘅假錢有生蝦食，去邊道搵？）好食啲。其餘嘅刺身又唔係唔新鮮不過欠缺鮮甜。另外我ORDER咗一啲串燒同熟食。牛肉串，同羊肉串都OK。不過都幾 SO 味。豆腐卜串都幾好食。蒜頭串就得一成熟就上檯，所以我同個侍應講太生食唔到，佢即刻幫我羅去再燒過。仲有泡菜雞亦都幾好食。至於火鍋配料唔多不過佢哋啲肥牛真係好食。肥瘦適中，好味！湯底我簡咗豆腐豉油湯。無法，因為同埋個女去，麻辣唔食得，老公又唔鐘意酸酸哋嘅番茄豬骨湯。飲品有三種係佢哋自製嘅，好似有雜果賓治，另外兩種唔知。仲有可樂公司嘅氣水選擇，我梗係簡飲氣水啦。都唔知佢哋溝咩。我老公就飲麒麟啤，因為＄153有包刺身＆啤酒。＄135就無。而今晚佢哋做 Lady's night，全場女仕有七折。甜品有紅豆年糕，日式燒年糕同蜜餞蕃薯＆雀巢 vanilla雪糕。我試咗頭兩種甜品同雪糕。日式年糕好幾好食，有啲似式煙韌夾餅。有樣野唔可以唔提嘅係佢哋嘅 service 真係幾好。啲order都算快出