小草十八怪石鍋米線 (已結業)

再次到訪旺角呢間石鍋米線餐廳，上次食過可以自己煮的石鍋米線，今次嚟食串燒同川式涼麵。😝呢度啲串燒真係幾抵食，款式多又可以自己選擇辣度，全部都燒得好香好惹味，海蝦香脆到可以連殼食，蝦肉鮮味；墨魚咀好爽口彈牙；雞軟骨爽脆。🍆原條燒茄子必食！！原條茄子開邊燒，夠晒大條，茄子好淋，加上香蔥同金蒜好惹味，味道啱啱好唔會太鹹又唔會太油膩，推薦👍🏻🍜川式涼麵我揀咗小辣，酸酸辣辣好開胃，再加上青瓜同雞絲好夾，熱辣辣嘅天氣食呢個最正😚🤩呢度啲特飲都超級大杯，2個share都有多，🥭芒果凍頂烏龍茶芒果香味幾濃，中間有淡淡的烏龍茶味，酸酸甜甜好開胃，生津解渴。繁忙時間好多人幫襯，整體食物質素真心唔錯，價錢貼地；環境都幾舒適又夠哂方便，地鐵站一出行兩步就到。