影片
更多
2017-03-06
3029 瀏覽
打邊爐嚟嚟去去嗰幾味湯底真係好悶。放工同朋友去咗旺角呢間御前牛盛打邊爐，遇著個好味靚湯底，真係好滿足。 呢度個湯底有16款畀你揀, 傳統嘅麻辣雞煲湯底、人參湯底 、海鮮湯底, 到特別少少嘅泡菜湯, 牛乳豆腐湯或者我揀咗呢個叫「日本壽喜燒湯」, 真係可以任君選擇, 心思思個個都想叫,但一枱四個人只可以叫一煲, 最後咪都試咗呢個日本壽喜燒湯, 佢其實就好似吉野家嗰個濃湯火鍋咁, 我好鍾意食呢個湯底㗎, 打邊爐食肥牛肉烏冬點芝麻醬一流。呢個湯底仲有個好處，就係佢煮蔬菜會顯得特別鮮甜添。七點幾入坐呢個時段都係179蚊一位任飲任食兩個鐘，每人加多30蚊就可以任叫刺身，又真係幾開心嘅。起碼多咗個選擇，你出去酒樓都百幾二百蚊一個人任飲任食，但係我而家可以食埋刺身喎， 都幾爽啊! 我哋好貪心,每款刺身都叫咗啲嚟食，呢度啲刺身全部都好大件同切得好厚身，都唔差，都幾鮮味，但我特別係鍾意佢呢度啲大蝦，隻隻蝦都色澤鮮紅,晶瑩剔透，仲大大隻，我一個人都食咗三大隻。其實火鍋配料都有五張紙畀你揀，但叫得做御前牛盛，呢度食牛梗係主打啦!呢度有唔同種類嘅牛畀你order，我哋都隨便叫咗幾款牛肉嚟食，大部分嘅牛肉味都幾突
呢度個湯底有16款畀你揀, 傳統嘅麻辣雞煲湯底、人參湯底 、海鮮湯底, 到特別少少嘅泡菜湯, 牛乳豆腐湯或者我揀咗呢個叫「日本壽喜燒湯」, 真係可以任君選擇, 心思思個個都想叫,但一枱四個人只可以叫一煲, 最後咪都試咗呢個日本壽喜燒湯, 佢其實就好似吉野家嗰個濃湯火鍋咁, 我好鍾意食呢個湯底㗎, 打邊爐食肥牛肉烏冬點芝麻醬一流。呢個湯底仲有個好處，就係佢煮蔬菜會顯得特別鮮甜添。
七點幾入坐呢個時段都係179蚊一位任飲任食兩個鐘，每人加多30蚊就可以任叫刺身，又真係幾開心嘅。起碼多咗個選擇，你出去酒樓都百幾二百蚊一個人任飲任食，但係我而家可以食埋刺身喎， 都幾爽啊! 我哋好貪心,每款刺身都叫咗啲嚟食，呢度啲刺身全部都好大件同切得好厚身，都唔差，都幾鮮味，但我特別係鍾意佢呢度啲大蝦，隻隻蝦都色澤鮮紅,晶瑩剔透，仲大大隻，我一個人都食咗三大隻。
其實火鍋配料都有五張紙畀你揀，但叫得做御前牛盛，呢度食牛梗係主打啦!呢度有唔同種類嘅牛畀你order，我哋都隨便叫咗幾款牛肉嚟食，大部分嘅牛肉味都幾突出，肥牛就半肥瘦，佢哋都砌得幾薄片，所以真係唔使煮咁耐就可以食得， 兩下就搞掂唔使等太耐。
除咗牛肉，其他配料嘅款式都幾特別嘅，啲丸類選擇都幾，多好似有大大粒嘅魚蛋啦，仲有芝心魚肉片等。
其實呢度仲有自助熟食區畀你拎嘢食, 喺你等緊個火鍋滾之前,又可以出去啲嘢食嚟填下肚先, 亦都有自助醬料區, 自助飲品及雪糕畀你慢慢揀。
張貼
