繼光香香雞 (已結業)

旺角花園街登打士街一帶，越來越多台式飲品店，指定動作當然會買返杯台式飲品，最近連台灣繼光香香雞搬過黎加入，咁當然要買埋黎食。店面比之前舊店大間，供應既款式都比之前舊店多。我地今次叫左香香雞小辣，而辣度係可以選擇5個不同級數。由於係即炸既關係，所以都要等大約10多分鐘先有得食，不過炸雞的確新鮮炸起，等下都值得。炸雞除左用一個紙袋外，仲有一個膠袋裝住，包保唔會食到成手都係油。主角炸雞熱辣辣，外表唔會油淋淋，咬一口就知道炸到d雞唔會炸到乾晒，中間仲有唔少肉汁，而面層既辣粉都好夠味，如果我一人食會叫中辣更加好味，今次叫小辣就適合唔太食得辣既友人。繼光香香雞由以前係台灣食已經覺得好好食，而黎到香港都繼續keep到水準，值得一食再食。