養心殿台式養生鍋 (已搬遷) 新店位置

今晚同三個朋友一齊去食，因為其中兩個都唔食得辣所以叫了美人鍋同酸菜白肉鍋，未開始打邊爐之前試飲咗個湯底先。美人鍋清清地唔會有浸藥材味而且個湯底有原隻烏雞好足料！酸菜白肉鍋亦都唔會太酸，佢另外附上一疊酸菜嘅，如果鍾意酸啲可以再攞多啲酸菜，我就落晒成碟🤤同其他火煱店相比，佢嘅湯底係食完唔口渴！！ 😌響鈴即叫即炸好新鮮，熱辣辣咬落脆卜卜✨推薦🌟好想食佢個台灣A菜但係好可惜今日咁岩冇貨😣炸午餐肉上台時仲熱辣辣、脆卜卜，浸3秒，放入口，好正！驚喜係午餐肉有肉味 😍😍啲雪花肥牛脂肪比例好平均，切得好薄，好靚仔。唔食牛肉嘅朋友仔揀咗黑毛豬都好唔錯，有肉味，而且肉質唔會好柴好乾。推薦🌟手打肉丸都好新鮮，最鐘意係黑松露蝦丸。蝦丸肉質彈牙，有香濃黑松露味，但又不掩蓋蝦嘅鮮味😍😍另外仲想讚下佢壺茶，好濃好好飲，好似某某珍珠奶茶個茶底陣味，勁驚喜！！！！打邊爐最怕食到成身一陣味，好彩冇事！而且乾淨環境，同朋友自成一角傾計有私人空間，古色古香裝修，坐得舒適。最後一定要讚佢貼心嘅牙籤！估唔到唔係普通嘅牙籤，而係一邊有埋牙縫刷！特別對於箍緊牙嘅朋友來講係好感動😭😭因為有啲位可難用牙籤，而好少店家會咁貼心。。。