小神燈新派飯館 (已結業)

阿女上完興趣班就出去搵婆婆食午飯，去有新派茶樓 「小神燈」， 傳統懷舊茶具，裝修有特色，最緊要美味好抵食。午市套餐：（$68）燒腩仔：脆皮楊洲炒飯：份量大，夠鑊氣粒粒晶瑩。流沙奶皇包：平時食開的餡料只是流出來， 今次真的是起沙， 非常不錯。焦糖西米焗布甸：不太甜， 用料豐富，好滑。栗子小蜜蜂（$30）：造型好可愛，栗子偏甜好綿。春風得意腸粉（$30）： 脆口，蝦甜爽口， 上要有充滿色澤的蝦子， 非常美味。四寶滑雞扎（$30）：真材實料， 用料有誠意。整體都質量非常高。