翠榮雞煲火鍋

營業中

休息中

胡椒豬肚雞煲大辣，其實只係叫老闆娘比多碟白胡椒粉我自己加啫，原來佢地係用生胡椒粒自己礳粉架，所以味道持別香濃。雞煲可以 order 半隻或一隻雞，今次食佢一整隻 ﹗我最鬼鍾意就係食雞架喇，每年我一個都起碼食 100 隻啦 ﹗胡椒香辣暖胃又驅寒，好好味啊 ﹗辣由內辣到外，溫柔地慢慢係胃度辣到全身，額頭、背脊都出汗，爽 ﹗浸熟既雞肉非常嫩滑又 juicy，仲完全滲透胡椒香味，好醒胃，食極都唔厭，好好食呢 ﹗滑牛，又嫩又滑有牛味，不錯不錯。魚腐，好好好味 ﹗索晒所有湯既精華，裡面滑溜溜、外皮嚥韌帶咸香，正 ﹗竹笙同金菇都係菇菌類，大路普通無問題，竹笙勁爽又索湯汁一流。因為已經叫左一隻雞煲，又得兩個人食，所以唔 order 咁多野喇，食唔晒又浪費架喇。