和幸吧 (已結業)

和幸銅鑼灣去過幾次，尖咀呢間係第一次，今次好好book到露台位坐。 個個話牛舌好味，我就覺得好噁心，試左唔喜果種質感。反之薄薄地牛小排我覺得仲好味，牛味幾重好腍身，係衰在一碟份量唔算多，好快清晒。我仲叫左個豚肉鍋，無聽錯，上到黎咩都試下，豬肉都OK。佢都一樣係切到薄薄地，唔知係咪因為薄身，總係覺得平時出面食無佢咁腍身。And then成鍋連菜連豆腐都幾好，夜晚有風吹埋黎，暖暖地食好有火鍋feel。諗番入去時都算早，6點幾天未黑坐到9點，露台就滿人都無入面咁嘈，有風吹下傾下偈，都算坐得幾舒服。