Coffever (已結業)

喺銅鑼灣想揾個靜少少嘅地方都好難，如果唔係朋友帶路，我一定唔會揾到呢間隱世cafe！因為呢到樓下招牌都無個，要保安開咗鐵閘上到三樓兜咗一圈先揾到😲🤪🤣入到去真係有別有洞天嘅感覺！我地兩個嗌咗à la carte，我揀咗慢煮安格斯腹肉 (英文係Butcher’s Steak/Hanger Steak)，呢part係牛其中最矜貴嘅部分，成隻牛咁大得兩公斤左右，唔係好多餐廳會推介，因為佢多筋，所以比較難處理，真係好考功夫架！呢到係用慢煮方法令到肉質極其鮮嫩🤤🤤🤤，好有我喺英國食Flat iron 嘅感覺！😛😋朋友嗌咗慢煮煙燻手撕豬温泉蛋扁意粉，手撕雞就食得多，手撕豬真係第一次聽呀！🤣🤣😂手撕豬份量好多！食法係將温泉蛋同手撕豬同埋意粉撈埋一齊食，真係好滑，口感好豐富，好正！😗另外好值得一提嘅係Hand Drip Coffee😍朋友推介話一定要試下！我係第一次試手沖咖啡，真係飲得出果香味，微酸帶啲甜味原來係呢種咖啡豆嘅特色，呢杯咖啡仲要攤凍咗都一樣咁好飲，真係大開眼界！係必試之選！😝順帶一提，呢間餐廳嘅Staff 好nice，真係當客人係朋友咁😗，會埋嚟推介同傾計，喺呢到食嘢真係好舒服！😝💕🌿睇