Villa Villa

營業中

休息中

經朋友推介今晚去左一間北角區的餐廳，北角呢條後街我從來未踏足過的，原來都有不少食肆。餐廳環境比較昏暗浪漫，掛滿不少裝飾。餐湯麵包點完嘢食，就有免費餐湯麵包跟單上，特別推介墨魚汁香草麵包，作為麵包好鬆軟，可能加了墨魚汁味道特別。沙律配煙三文魚牛油果不過不失，如果沙律菜可再新鮮啲就最好了。一口和牛雖然未去到入口即溶，但唔會太韌，份量足。蝦餅店員說是自家製，好有誠意，蝦餅食落鬆化，也有蝦的粒粒口感。帶子意大利飯雖然賣相比較顏色比較單一，但係搵到有五粒帶子，好有誠意。Tiramisu也是自家制的，口感唔錯，甜品仲有20% discount 添。