Velo Italian Bar & Grill

營業中

休息中

餐廳啲侍應服務態度極度惡劣：- book左1130am, 到1135am, 個閘門仲係半關，第一印象已經唔好。要客人在出面等。- 在門口呆等5分鐘先有服務員過嚟帶位- 放低餐牌後，完全冇指示及介紹個半自助餐係咩流程- 冇服務員過嚟問你main course食乜。如果你唔好主動叫, 永遠都冇main course 食- 一開店，只有我一圍枱都冇招呼，侍應全部企埋一邊玩手機- 埋單時，黑口黑面隊番張receipt 過嚟，冇禮貌，多謝都冇句。呢個仲係貌似經理的女人，完全做左一個壞榜樣。唔明點解咁受氣仲要收10%服務費。好奇係咪得我哋覺得服務態度唔好，原來呢度都有唔少人有類似經歷。希望餐廳老闆正視一下員工服務態度問題。