名苑酒家 (已結業)

一直以來我都鐘意去名苑飲茶,因為點心好味,坐得又舒服,所以今次帶屋企人一齊去佐敦食,順便可以去尖沙咀行街!這間分店雖然好近佐敦地鐵站,但酒樓好細,只可以放幾張枱,燈光調教得較黃,令人昏昏欲睡,可能因為唔多枱的關係,所以唔算太嘈炒!本來諗住可以盡情選擇點心,點知發現這裡的點心紙與其他分店有分別,沒有圖文並茂都算,居然少左好多點心款式,大部分的點心都比其他分店貴和小左一件,我們只好不情願下點左個飯和炒麵,再加3款點心!我們在等的過程中,想搵人加水搵左好耐都冇人理,員工少到根本唔得閒理你,我們本來想自己加,但又唔知d水放係邊,結果都係不停咁重複叫佢地加水,成餐飯都唔知叫左幾多次叫人加水!<銀芽肉絲香煎麵> 酒樓的炒麵鑊氣足,可以將麵炸得超香脆,麵上淋上芡汁再放上肉絲和銀芽味道不錯,再點少少喼汁,酸酸地的感覺令人好開胃!<窩燒鮑魚雞粒飯> 窩燒的熱力很勁,傳出一陣燶味,飯太過乾身,食起來好硬,鮑魚雞粒唔多,仲有d咸,又濃又硬又咸,真係麻麻地!<嫲嫲川味滑餃子> 餃子皮薄餡多,落左d辣椒油所以有d辣,餃子上灑滿蔥,食起來味道不錯!<小嬌白玉