影片
更多
2023-04-02
2199 瀏覽
超愛迴旋壽司的我～ 期待已久的一站終於來啦～🤩香港壽司郎目前一共20間分店，依然人氣高企，長期有人排隊等位。今次去葵芳地鐵站附近新都會商場內個間分店，之前睇不少攞位攻略，大部分建議直接現場拎飛等walk in 。.研究一排試用官方app線上訂位😂 好好彩輕鬆唔洗排隊，分享今次用香港壽司郎app提早預約，當時大約提早3日預約，但可選擇只剩番2-3個時間段，有部分分店甚至約滿，呢個方法有時真係幾睇緣份，要一早睇有無岩自己時間。❗️一定要預約時間段內準時到達，要先到櫃檯報到，再等待店員叫號。今次提早幾分鐘到，都係會到鐘先安排入座。.無法線上預訂位的話，觀察左平日下午茶直接walk in 都好快有位，差不多等30分鐘內。晚餐真係要提早拎飛，會越來越多人，至於週末假期暫時未有經驗，不過聽講更難有位啊！.壽司可直接在迴轉帶上拎，無遇岩心儀食物亦可在平板即點，等待上方傳送帶送來。除固定款式外，會有季節限定食材，三月期間限定 #赤醋飯祭 ，所有壽司用上赤醋飯，我基本上將期間限定都點了一份😍。唔洗擔心唔夠時間，壽司上餐好快，幾分鐘內送到。.🔴 價錢以紅碟$12/ 銀碟$17/ 金碟$22/ 黑碟$27/
超愛迴旋壽司的我～ 期待已久的一站終於來啦～🤩香港壽司郎目前一共20間分店，依然人氣高企，長期有人排隊等位。今次去葵芳地鐵站附近新都會商場內個間分店，之前睇不少攞位攻略，大部分建議直接現場拎飛等walk in 。
.
研究一排試用官方app線上訂位😂 好好彩輕鬆唔洗排隊，分享今次用香港壽司郎app提早預約，當時大約提早3日預約，但可選擇只剩番2-3個時間段，有部分分店甚至約滿，呢個方法有時真係幾睇緣份，要一早睇有無岩自己時間。
❗️一定要預約時間段內準時到達，要先到櫃檯報到，再等待店員叫號。今次提早幾分鐘到，都係會到鐘先安排入座。
.
無法線上預訂位的話，觀察左平日下午茶直接walk in 都好快有位，差不多等30分鐘內。晚餐真係要提早拎飛，會越來越多人，至於週末假期暫時未有經驗，不過聽講更難有位啊！
.
壽司可直接在迴轉帶上拎，無遇岩心儀食物亦可在平板即點，等待上方傳送帶送來。除固定款式外，會有季節限定食材，三月期間限定 #赤醋飯祭 ，所有壽司用上赤醋飯，我基本上將期間限定都點了一份😍。唔洗擔心唔夠時間，壽司上餐好快，幾分鐘內送到。
.
🔴 價錢以紅碟$12/ 銀碟$17/ 金碟$22/ 黑碟$27/ $39為主，部分做特價好抵食，又新鮮多款式，而且有不少熟食和幾款甜點。果然和傳聞中一樣，性價比幾高，無論壽司、熟食和甜點都好食🤤，太開心啦！比大家參考番兩個人20幾碟人均200蚊左右已經十分飽。
▼
$12
醬烤鰈魚鰭邊 / 烏賊 / 北海道八爪魚 / 三文魚腩 / 海松食貝 / 日本頂級池魚 / 鲜蝦天婦羅 / 赤蝦 / 炙燒芝士三文魚 / 梳乎里海鰻 ✨/ 鮟鱇魚肝軍艦✨
$17
赤貝 / 螢光魷魚沖漬
$22
海螺雙味 / 鬼蝦✨ / 炙燒櫻鯛(檸檬鹽味)✨/ 伊豆神津島金目鯛✨
$27
特選大吞拿魚腩 / 宮城縣特大帆立貝✨
日式焦糖蕃薯 $12
茶碗蒸 $19
雙層卡達拉娜 $22
朱古力香莓芭菲 $32
▼
帆立貝大隻厚肉又鮮甜，一次兩碟。27蚊大拖羅抵食到不得了，油脂感足，一定要叫。螢光魷魚沖漬 見特別就試試，口感爽口亦易咬。梳乎里海鰻一碟12蚊，平時2-3倍量，油脂香爆發，入口似梳乎里咁鬆軟。
.
至於圖中期間限定幾款均係抵食必點款「伊豆神津島產金目鯛」「鬼蝦」「宮城縣產特大帆立貝」，另外鰈魚鰭邊、大拖羅、赤蝦等都有水準。
.
茶碗蒸 蛋香嫩滑，熱辣辣暖胃，估唔到入面有驚喜，底下有蝦、雞肉、魚板、菇等足料配料，令到茶碗蒸多左份鮮甜味，大推試下。
.
必食卡達拉娜 雙層版咖啡和牛奶味，奶味香濃，配合埋蛋香焦糖香味，加埋咖啡味濃郁，真心正。同場加映，眼見對面order到 朱古力香莓芭菲 咁吸引，又忍唔到手，朱古力醬配埋酸甜莓果，入面既料亦幾夾，甜品第二個胃，你們懂的！
_
⭐️ 需加一服務費
⭐️ 多人等位期間，限60分鐘用餐時間
⭐️ 用餐結束後按圖示將同色碟分類方便店員計數
張貼
