Big Dog (已易手)

今日路過西環水街, 見到有間熱狗店, 見餓餓地, 不如食個包, 飲杯茶先, (即係蛇王啦).間舖就細細間, 睇下有咩食先? 都有好多野食下. 有熱狗, 牛肉包, 薯皮, 雞翼等等...我就叫左個熱狗, 薯皮同一杯凍咖啡...佢個道就有張bar枱可以堂食,都幾有快餐店feel. 一食! 嘩條熱狗好正, 個包又脆, 條腸又大條又好食...正!試下個薯皮先, (我之前食過薯皮都係係酒吧食過,都幾正) 唔錯, 比起我係酒吧食個d差好遠..呢間係好食好多....最估佢唔到就係個事頭婆又後生, 重幾靚女家.之後見咁好食, 打電話比同事話比佢知, 佢就即刻叫我買多隻比佢,重話下次要我帶佢去食.(我心諗, 你條友仔想去睇下個事頭婆就真)總括來講, 小弟就覺得非常好食, 係下午茶同小食既好地方.