影片
更多
2018-11-15
2312 瀏覽
太耐沒有跟小學同學聚一聚，難得今次約齊四個人岀黎食個晚飯，就決定一於食餐好既！新蒲崗雖然比較偏遠小小，但近朋友放工既關係決定係呢區覓食！其實呢度大把好野食...今次我揀既係【蟹仙】，聽個名都覺得呢到既蟹一定好架勢。四個都係海鮮既粉絲所以都抱住好大期望呢過緊新蒲崗既沿途中，留意到新蒲崗區工作的上班或區內的人，大部份人的衣著總離不開白色、灰色、黑色，有點沉悶！相反！我們就著得又黃又粉紅，色彩奪目，充滿朝氣！【蟹仙】就係仁安街地下舖，正正就係「Mikiki」正後面街，見到呢個Led招牌就唔會錯喔，非常易搵。入面有十張左右既4人枱，每張枱都有一個蒸氣鍋無錯啦，我地今日食既就係「海鮮蒸氣石鍋」提提你去之前一定要book定位先，事關呢度大部份海鮮每日都會由多個地方新鮮空運到港，由於每日既份量以及坐位都限，貿貿然去到真係有機會無得食架！🤭基本上晚餐都係3選1，我地就揀個無咁Heavy既「$398海鮮蒸氣石鍋餐」正所謂食得是福，要食就緊係食最好呢個石鍋餐$398/1位，每位客人包括有「9款海鮮，另外仲有蔬菜同埋核心既粥底」先先黎一盤輕盈...🔹海鮮拼盤，包括有「九孔鮑魚、慶南蠔、日本元貝、蟶子皇、貴妃
新蒲崗雖然比較偏遠小小，但近朋友放工既關係決定係呢區覓食！
其實呢度大把好野食...
今次我揀既係【蟹仙】，聽個名都覺得呢到既蟹一定好架勢。
四個都係海鮮既粉絲所以都抱住好大期望呢
過緊新蒲崗既沿途中，留意到新蒲崗區工作的上班或區內的人，大部份人的衣著總離不開白色、灰色、黑色，有點沉悶！相反！我們就著得又黃又粉紅，色彩奪目，充滿朝氣！
【蟹仙】就係仁安街地下舖，正正就係「Mikiki」正後面街，見到呢個Led招牌就唔會錯喔，非常易搵。
入面有十張左右既4人枱，每張枱都有一個蒸氣鍋
無錯啦，我地今日食既就係「海鮮蒸氣石鍋」
提提你去之前一定要book定位先，事關呢度大部份海鮮每日都會由多個地方新鮮空運到港，由於每日既份量以及坐位都限，貿貿然去到真係有機會無得食架！🤭
基本上晚餐都係3選1，我地就揀個無咁Heavy既「$398海鮮蒸氣石鍋餐」
正所謂食得是福，要食就緊係食最好
呢個石鍋餐$398/1位，每位客人包括有「9款海鮮，另外仲有蔬菜同埋核心既粥底」
先先黎一盤輕盈...
🔹海鮮拼盤，包括有「九孔鮑魚、慶南蠔、日本元貝、蟶子皇、貴妃蚌及深海龍躉頭腩」
海鮮拼盤
42 瀏覽
0 讚好
0 留言
海鮮拼盤
36 瀏覽
0 讚好
0 留言
🔹貴妃蚌
貴妃蚌簡單美味又永不失手
呢度蒸完食落去鮮味獨到，蚌肉豐滿肥美，最重要連埋蚌肉邊既湯汁一齊食，味道鮮甜。
🔹日本元貝
日本元貝蒸完後突然變得脹卜卜，咬開既係一絲絲柔軟既感覺，鮮味更勝一籌。
🔹九孔鮑魚
九孔鮑魚就普普通通，但勝在新鮮沾小小鼓油都唔差。
九孔鮑魚
34 瀏覽
0 讚好
0 留言
🔹慶南蠔
不少人喜歡趁冬季食鮮蠔，【蟹仙】話我知其實與蠔的約會不是只限冬季啊！
平時食開既蠔都係以生蠔炸蠔為主...
完來慶南蠔用蒸更適合，蠔肉較滑，蠔汁一滴不失，整隻蠔濕潤鮮美又多汁。
多變的口感...認真推介！！！！
🔹蟶子皇
蟶子皇又名西施舌，西施既舌頭有誰不喜歡
硬繃繃既外殼入面剛好相反，口感鮮甜嫩滑非其他貝殼類可以媲美。
蟶子皇
58 瀏覽
0 讚好
0 留言
🔹深海龍躉頭腩
深海龍躉頭腩帶着充滿啫哩狀既魚皮肉魚油滿載既魚肉，骨膠原份量勁多啊！！
女士恩物！還有滋補的妙用，不錯。好喜歡
！！！！再黎既仲有海鮮三巨頭
包括「越南頂角膏蟹、菲律賓大黃奄、泰國海蝦及青年龍蝦」
海鮮三巨頭
43 瀏覽
0 讚好
0 留言
因為我地四個人既關係叫到兩隻唔同既蟹試下，每人有半隻...
兩蟹種外表雖然不大分別，蒸過後單看外表直情一模一樣，但裏面絕對係兩碼子事。
🔹越南頂角膏蟹
越南頂角膏蟹既蟹膏為硬膏，所謂既硬膏食既時候會帶比你一種粉狀既口感，顏色深橙紅，蟹膏味道極濃厚，整個蟹蓋裝滿滿既蟹膏包你食過滿足，蟹肉實之餘富彈性。
越南頂角膏蟹
63 瀏覽
0 讚好
0 留言
🔹菲律賓大黃奄
同樣為膏蟹，但大黃奄既蟹膏相反係軟膏類，蟹膏creamy呈橙黃色，混合蟹肉既蛋白質，味道變得清而甜，比到我既又是另一種感覺，蟹肉比上面既頂角蟹柔軟多汁。
菲律賓大黃奄
48 瀏覽
0 讚好
0 留言
🔹泰國海蝦
大家平時屋企最常食的蝦可能都是泰國海蝦、白蝦丶中蝦，但呢度既海蝦大大隻，足足有一隻手掌長，肉質彈牙肥美。
估唔到新鮮既海蝦係咁甜架！
泰國海蝦
45 瀏覽
0 讚好
0 留言
🔹青年龍蝦
青年龍蝦當然又係正到無得講，海中王並唔係浪得虛名，龍蝦肉量多，足以令你塞滿一嘴，不加調味反而食到獨有既一種海鹽味，帶上小小既龍蝦蝦膏，鮮味令人忘返。
青年龍蝦
37 瀏覽
0 讚好
0 留言
青年龍蝦
37 瀏覽
0 讚好
0 留言
🔹蔬菜拼盤
清清腸胃，食返點蔬菜👍
蔬菜拼盤
20 瀏覽
0 讚好
0 留言
🔹排骨粥底
最後食埋底層既粥底，包攬以上所有既海鮮既精華，味道鮮甜軟滑，綿綿味道加上一點飽肚感。
排骨粥底
21 瀏覽
0 讚好
0 留言
排骨粥底
24 瀏覽
0 讚好
0 留言
排骨粥底
21 瀏覽
0 讚好
0 留言
P.s.四人同枱仲會額外贈送椰汁雪燕燉官燕
從賣相到食味、口感，官燕都極像燕窩但呢碗味道可能淡了點，不計是不是官燕但都幾解渴又幾清爽呢。
椰汁雪燕燉官燕
22 瀏覽
0 讚好
0 留言
三五知己食個「海鮮蒸氣石鍋」，慢慢食慢慢傾一盡訴心中情，過癮矣。
呢間【蟹仙】不妨一試。食物超級新鮮，一試便知龍與鳳...可能員工說道貨源出處是非常有質素及穩定既關係吧！
侍應真係招呼非常周到，又岩傾！每款食物都有介紹下，好細心！
相對店內環境不算寬敞但座位就闊落舒適，燈火光猛，加上裝修不久，細細間整體環境算是不錯。
最重要是與停車場相連，方便一衆駕駛人士呢。
食到肚仔脹卜卜，都係時候要去散散步消化下...
張貼
