影片
更多
2019-08-23
140 瀏覽
享受歐陸風情嘅西班牙菜，Reserva Ibéric成間嘅設計都係開放式，有少少酒吧嘅感覺，無論情侶定係成班朋友黎都會坐得好舒服，裝修都好有特色，仲掛咗好多西班牙風干豬脾，真係好似地道嘅西班牙餐廳。叫咗一款最新推介嘅西班牙紅蝦湯麵🍜，西班牙紅蝦居於深海2000米以上，出邊真係好難食到㗎！所以佢嘅蝦膏非常香濃，成個紅蝦湯麵用咗12公斤蝦頭加上新鮮茄蓉熬製六個鐘，真係唔簡單！麵身彈牙爽口、湯底濃郁、海鮮新鮮甜美。加上半熟嘅雞蛋同埋其他配菜，食落口真係淡淡滋味！特登點左兩支西班牙啤酒試吓，飲落口比較甜，麥香味都好重，配搭下面嘅西班牙小食真係絕配！伊比利亞火腿拼盤配西班牙蕃茄多士可以選擇一人份量或者兩人份量，總共有四款火腿，一款係白毛豬，其餘三款係唔同月數嘅黑毛豬。我自己最鍾意食36個月嘅黑毛豬風乾火腿，肉質同味道都恰到好處。芝士拼盤有兩款羊香味嘅芝士，三款芝士每樣都有20g，伴碟仲配有果仁同埋杏桃。另外仲叫咗個小食套餐，可以自己配搭唔同嘅小食，有成超過20款咁多㗎。！-地中海沙甸魚伴橄欖油烤蔬菜脆多士一個多士又有魚又有菜真係好特別，一啖咬落去好似公司三文治🥪有好多層-迷你鞭子香腸配卡拉瑪塔橄
叫咗一款最新推介嘅西班牙紅蝦湯麵🍜，西班牙紅蝦居於深海2000米以上，出邊真係好難食到㗎！所以佢嘅蝦膏非常香濃，成個紅蝦湯麵用咗12公斤蝦頭加上新鮮茄蓉熬製六個鐘，真係唔簡單！麵身彈牙爽口、湯底濃郁、海鮮新鮮甜美。加上半熟嘅雞蛋同埋其他配菜，食落口真係淡淡滋味！
特登點左兩支西班牙啤酒試吓，飲落口比較甜，麥香味都好重，配搭下面嘅西班牙小食真係絕配！
伊比利亞火腿拼盤配西班牙蕃茄多士
可以選擇一人份量或者兩人份量，總共有四款火腿，一款係白毛豬，其餘三款係唔同月數嘅黑毛豬。我自己最鍾意食36個月嘅黑毛豬風乾火腿，肉質同味道都恰到好處。
芝士拼盤
有兩款羊香味嘅芝士，三款芝士每樣都有20g，伴碟仲配有果仁同埋杏桃。
另外仲叫咗個小食套餐，可以自己配搭唔同嘅小食，有成超過20款咁多㗎。！
-地中海沙甸魚伴橄欖油烤蔬菜脆多士
一個多士又有魚又有菜真係好特別，一啖咬落去好似公司三文治🥪有好多層
-迷你鞭子香腸配卡拉瑪塔橄欖
香腸嘅肉味加上橄欖嘅酸，非常開胃
-辣番茄汁煮青口
呢個係小食之中最推介，青口同埋番茄汁配合得好好，啲番茄汁仲可以當湯飲添
最後唔少得梗係甜品，職員推介我哋試Churros-西班牙油炸鬼配熱朱古力醬，加上咖啡味嘅雪糕🍦，入口即溶。最特別嘅係西班牙油炸鬼，雖然有滿滿嘅糖粒係面，但係食落去都唔會過甜，超級吸引！
張貼
