阿桂老友粉 (已結業)

最近口淡淡,想食下辣野,其它大型連鎖米線,粉既餐廳又多人又逼,款式亦越食越厭。聽聞過呢間阿桂老友粉有私房菜,於是都想試下佢既麵類菜式。麵類叫了擔擔麵,餐廳有兩種擔擔麵,有正宗同撈,仲有不同辣度選擇,我揀左小辣。麵的份量幾多,而且麵條軟硬適中,唔會太硬。再者湯底有淡淡花生味,小小辣。而且有好多肉碎同花生粒,撈埋食,一啖湯,一啖麵,口感好豐富。另叫小食口水雞,滿滿的配料,蒜蓉,花生粒係面。夾了一嚿雞,花生都會一拼連着,睇得出廚師花左好多心機,麻辣味漸漸出黎,好正,正正能滿足到重口味又嗜辣既我。加上雞,配料分量又多,比譚仔既更好食。再者,店員亦好細心提供骨碟。食完辣野,當然要飲飲品。估唔到呢間餐廳有自家製飲品,山楂蘋果茶,以一枝枝,凍凍地又可以清暑。淡淡蘋果山楂味好清新,又健康,值得推介。