陸陸雞煲火鍋 (已結業)

因為母親節正日好多餐廳酒家都冇位，於是我地提前慶祝。是的，又係雞煲，冇辨法啦全家都鍾意食，係咁架喇~上次食過尖沙咀，今次當然食旺角，一樣會有好開胃的餐前小食~呀!雞煲即叫即煮，唔想餓住個肚就叫小食先，陸陸惹味牛肚---唔到睇有大辣椒，其實辣辣的，好香口，牛肚又唔韌。飲品冇乜特別，唔似尖沙咀店有利賓納!唔知點解我勁鍾意食陸陸雞煲，或許係因為佢又甜又辣極度惹味，陸陸雞煲嘅汁係乾啲，包住皮薄肉厚嘅雞等收汁，又杰又焦，多麻少辣夠好味!  另加$68拼多碟豬軟骨倒入煲，一齊焗---我鍾意食啲軟骨腍嘅，有膠質，咁啱呢個係，真係好正雞煲食完到火鍋時間~~手切本地牛，牛展，牛粒，美國肥牛: 食到唔同肉質，油脂分佈，最重要係肉味夠香!菜籃: 食多多菜對身體好，菜籃裏面嘅菜，既新鮮又厚塊!咸牛肉芝士釀油條---我本身唔鍾意食咸牛肉，食完之後愛上咗，油條好脆，芝士幾濃，咸牛肉特別，嗦湯之後食，既軟帶脆，又有咸香。日本廣島蠔---蠔肉飽滿，味道甘香，口感滑溜，煮熟至食肉嫩無渣。綠茶紅豆雪米糍---要小心真係會食上癮