梅窩麻糬王 (灣仔道)

營業中

休息中

其實冇車行果條隊都好長，同事之前買返嚟下午茶，一試傾心。今日仲要特登行出去買，條隊勁長，好彩好快排到，但係到我哋一行幾人可以俾錢嘅時候，店員收返個朱古力味嘅牌。剩返肉鬆同埋原味。聽聞過原味麻麻哋，但係排咗隊都買埋啦。沿途行返公司佢勁香，返埋位同事仔話已經食咗兩個。因為本身係諗住買俾屋企人食嘅，就錯過咗啱啱出爐最好食嘅時間。店員好貼心，將凍咗嘅麻糬波波，點樣加熱，好有心機咁樣貼咗喺牆上面，店員叫客人可以留底。試過一次，自己買過一次，我本身唔係一個鍾意食麻糬嘅人，但係我都覺得值得去食嘅。香港人生活工作太多壓力，有時都需要一啲食物去調劑一下平衡一下。久唔久試吓唔同下午茶嘅食物，人都開心啲，病都少啲。