小火山 (已結業)

第一次食泰式火鍋同燒肉! 原來都幾好食一開始會有蝦片供應，蝦片可以點佢配既蛋黃醬，蝦片酥脆，好好食! 之後叫左個小火山經典泰豬鍋拼盤，有伊比利亞黑毛豬梅花肉、波蘭A 級無骨豬腩、手切泰式豬頸肉、 泰式豬梅花肉片。 我個人最鐘意係手切泰式豬頸肉，呢款用燒既方式最正! 而且佢有3款醬，我覺得綠綠地色個款醬最好食! 湯底就叫左2款，分別係牛骨湯同埋椰子雞湯。牛骨湯就好似平時食船面既湯底，呢款烚下D豬肉片都好入味。泰式豬梅花肉片中間有隻蛋撈均，食落肉質就更滑。呢個有2種食飯，可以放入湯底烚，又或者等到最後係板上面燒，2種風味一樣咁好食。外加左生菜同洋蔥圈，配住肉食冇咁膩，而且燒洋蔥圈係好香甜!!!甜品叫左蝶豆花芒果糯米飯，好好食，有2款，一款係蝶豆花糯米飯，一款就普通款。2款都好好食，芒果又甜!! 呢個好推介! 芝士奶蓋泰奶係我鐘意既泰奶味! 芝士奶蓋原來配落泰奶到都幾match!