和食居

營業中

休息中

晚上同朋友喺灣仔搵食，自己想食下日本野，周圍都幾貴，忽然諗起呢條巷有間平民野日本野，於是同朋友一齊黎試。食物1- 牛肉拉麵如果鍾意食港式拉麵的朋友就啱晒！呢間完全可以勾起我小時喺日式百貨公司food court食拉麵嘅回憶，湯底果種好假嘅豬骨味真係一模一樣！牛肉竟然係另上，我都幾欣賞呢碗麵。2- 豬扒井飯真係好大份量，有豬又有炸蝦，又有港式檸茶，男人都未必識得晒！可惜朋友話，塊豬扒食落有苦味！環境夜晚客人唔多，似做街坊生意多，大家講野都係細聲，最多只係聽到電視台劇集的聲音。服務同香港好多店員一樣，呢度店員都係時刻忙住玩電話咁款。聽到另一檯人落單，但店員好似唔識聽又唔識講廣東話咁...