影片
更多
2022-10-30
217 瀏覽
雖然我成日出去食好嘢，但耐唔耐我都想食返啲素食，今次推薦番一間我幾鍾意既素食餐廳比大家，因為呢一間餐廳最近改名同大飯糖合作，可能有啲男仔會覺得素食好似聽落唔吸引喎，但佢地依家既新Menu除左有多款impossible meat 菜式(食落唔講真係唔知係素食)，又有好幾十款甜品,另外周末都有jumbo set $148（前菜+主菜+小食+甜品+飲品) 或者比較細食嘅朋友可以選擇light set$88 （主菜+前菜/小食+甜品+飲品) ，係咪好吸引呢🥰OVO 除左係cafe，隔離仲係花店同傢俬舖，食完野仲可以去行下，藝術感好強！佢個地站係灣仔舊街市三級歷史建築物，依家反而變咗做素食餐廳，其實食素食都有好多好處，例如卡路里比較低啱晒想減肥嘅女仔，而且有比較多嘅膳食纖維，除咗對身體好之外當然對個環境都有好處，減低排碳！前菜: 芒果金柚有機沙律好fresh！好鍾意呢個前菜，芒味好甜！主菜:四重芝士Impossible meat 肉醬流心蛋扁意粉唔係誇張，我試左一淡就停唔到口，我鍾意佢係比較濕潤，芝士味濃但唔會搶咗肉醬同蕃茄味，肉醬都好好味，真係完全唔似係食素。小食:素雞脾其實係腐皮做既，但食落
OVO 除左係cafe，隔離仲係花店同傢俬舖，食完野仲可以去行下，藝術感好強！佢個地站係灣仔舊街市三級歷史建築物，依家反而變咗做素食餐廳，其實食素食都有好多好處，例如卡路里比較低啱晒想減肥嘅女仔，而且有比較多嘅膳食纖維，除咗對身體好之外當然對個環境都有好處，減低排碳！
前菜: 芒果金柚有機沙律
好fresh！好鍾意呢個前菜，芒味好甜！
主菜:四重芝士Impossible meat 肉醬流心蛋扁意粉
唔係誇張，我試左一淡就停唔到口，我鍾意佢係比較濕潤，芝士味濃但唔會搶咗肉醬同蕃茄味，肉醬都好好味，真係完全唔似係食素。
小食:素雞脾
其實係腐皮做既，但食落都好好食，係炸過既腐皮，外面再加上醬油燒汁，仔細食落去真係雞肉味
甜品:芒果水晶撈小丸子
勁多芒果，差唔多有成半隻，如果係食少d肉但係可以食多份甜品，我係覺得ok嫁🤣
份量都幾多，食完甜品心情特別好
另一份主菜: Impossible meat漢堡
可以見到佢漢堡扒係比較厚，味道微甜原來係因為入邊有紅菜頭成份，而且食囉特別有咬口彈牙，好似係因為啲肉醬入邊加咗啲蘑菇洋蔥之類，食食吓唔講都唔記得自己係食緊素🤣
小食:甜椒粟米芝士卷
加上honey Master特別開胃甜甜酸酸，食完一份都覺得唔夠喉
甜品:雜果西米
佢哋係用大粒嘅西米，雜果方面有香蕉芒果西瓜金奇異果，水果份量真係好多
仲有嘢飲，篇文係有啲長嘅帶嘢飲方面都好吸引真係要睇埋落去，唔好錯過啲重點
我哋試咗榴槤咖啡！latte上面再加榴槤雪糕，呢個真係好少見到，當時一見到即刻眼前一亮，唔理咁多叫咗先，幫你地做吓白老鼠試吓好唔好飲，咁我個味道真係都幾match! 衰佬其實係唔食榴槤既，我呃佢飲咗幾啖，佢一開頭仲話幾好飲，我一話係榴槤佢就唔飲！都唔知係真唔係😅
佢自己就叫香蕉奶昔,奶昔質地好濃滑，佢未飲就比我飲左半杯😁香蕉味真係好濃！
其實食完已經好飽，唔好彩俾我見到有人叫一份椰青咁嘅嘢上面仲有雪糕！🥹真係好吸引呀，我地決定坐多一陣之後叫黎食，其實環境真係幾好，有好多盆栽乾花鮮花，坐咗好耐都得，之後我哋叫咗個芒果爺爺！上面係3.6牛奶雪糕加意大利雪糕！我覺得牛奶味真係特別濃滑下面有芒果，再過個底係椰青水加寒天，雪糕微溶加上椰青寒天，真係勁正！必點！必點！
其實整體來講成個用餐感受，食物方面都非常之好，你想食完之後都覺得好似好健康！一啲罪惡感都冇😍飽肚之餘又唔驚會好肥，其實有時出去食得肉多都覺得特別熱氣個人都燥底，所以我自己係會每隔一段時間要自己食返多啲菜或沙律，去清一清腸胃。
人均200 lunch
食咗咁多嘢都係咁價錢真係抵食
如果唔想錯過其他好介紹，記得follow我呀😘
多謝大家！！！
張貼
