4號烤吧 (已結業)

今日去開西環做野，放工就順便同埋同事係附近食晚飯~佢揀咗呢間4號烤吧，好耐無食烤魚，正！一於試吓先！毛血旺烤魚烤魚辣勁十足，辣得愈食愈過癮！我哋今次嗌左清江魚，冇乜刺之餘又厚肉。魚肉一直煮都依然好嫩滑。烤魚底仲有好多配菜，包括芽菜、薯仔、蓮藕、午餐肉等等…超豐富！！特別推介鴨血，鴨血滑捋捋，配以爐底既麻辣醬汁，真係又正又惹味～七味一口豆腐豆腐即叫即炸，食落熱辣辣又脆口。入口嫩滑，外皮灑上香濃既七味粉，辣辣哋既味道配埋上豆腐就啱曬啦！！酥炸忘不了見到必食之選就即刻叫左一份嚟試！魚身炸到好香口，又唔會有腥味。上面既炸蒜夠香同炸魚好夾，推薦～