八目燒串燒專門店 (已結業)

午市定食包埋沙律、前菜、麵豉湯。沙律汁甜甜地鹹鹹地，菜幾爽口。前菜係汁煮牛舌，好腍好入味。麵豉湯同常見偏鹹嘅唔同，呢碗屬於偏甜口味。🍴低溫燒牛舌爆丼伴溫泉蛋玉子定食 HK$78牛舌表面燒得好香，咬落夠晒腍，本身唔算薄，如果切得厚d會更滿足。🍴澳洲和牛碗肉爆丼伴溫泉蛋玉子定食 HK$88牛肉大約七成熟，色澤略帶粉紅，好香燒烤味，一d都唔韌，同燒汁幾夾。🍴凍咖啡（跟餐）即磨咖啡唔酸，幾順口，糖漿花奶另上。📍八目燒北角錦屏街21A號東發大廈地下33號舖