嘉寶漢堡 (嘉寶大廈)

營業中

休息中

呢間漢堡店比較隔涉，喺葵涌光輝圍附近，最近的地鐵站係葵興/葵芳。但係平時我都有去開和宜合道運動場，平時巴士成日經過，今次終於有機會一試神店🤣🤣嗰晚8:30先去到，唔使攞飛可以即刻入座，見到Menu選擇都好多，豬牛羊漢堡都有。始終試burger餐廳，牛堡最能試到功力🧐食物來到時，滿心歡喜，睇落都幾靚仔，麵包仲脹卜卜，似好新鮮。但係食落，就發現牛漢堡扒非常普通，談不上好食，不單止如網民所說沒有牛味，塊漢堡扒仲要好鬆散、好稀泥。平心而論，麥當勞嘅安格斯牛堡 shake shack 比佢更好味10倍。可讚的是，蕃茄唐生菜好新鮮，索索聲，整個包感覺是清新的。雖然價錢係抵，但係真係一般般🙃不過孜然羊堡聽落幾特別，睇吓有冇機會試吓，不過預期肉質應該差不多。