一喜車仔麵

營業中

休息中

呢間門口擺左架像真度極高既車仔就去試下😎 呢度車仔麵既配料選擇好多, 有啲仲要幾特別, 另外仲有啲地道既飯麵類, 如果唔想諗可以直接揀佢配好左車仔麵款式🤓 ✨生菜配牛腩汁($18)✨涼拌爽滑魚皮 ($39)✨上湯鴛鴦餃（$35)✨自選車仔麵 ✨葱油孖寶飯（雞扒+豬扒）($68)✨黑芝麻黑豆豆漿 ($16)車仔麵既配料價錢平均$10-$15, 我地試左好多個餸, 揀左秘製黃金雞湯($5)同埋辣咖哩汁, 兩個加埋一齊勁夾, 仲有好多唔同既麵底可以揀, 今次揀左特別啲既銀針粉, 不過好似麵係米線會掛湯啲🤩 呢度既食物性價比都幾高, 車仔麵配料黎講都幾多選擇, 黎開尖沙嘴可以一試🤗