豪園麵家 (已結業)

都係港式小炒最啱老爹口味～兩個人我地叫左一個湯、一個二人餐～胡椒豬肚湯 $88材料十足、豬肚都有十件八件，胡椒味夠濃，唔會太酸～飲完好暖身～精選二人套餐 $188包蠔仔粥兩碗、小炒一碟、時菜一碟～蠔仔肉碎粥 2碗蠔仔粒粒好飽滿，味道唔腥，我鍾意菜脯、肉乾等可以提升口感～飯粒唔會過淋過硬，吸收盡湯汁～金牌拔絲欖角骨招牌菜一定係呢味啦～欖角好甘香，唔會太咸，排骨又夠入味，好有肉汁～清灼時菜一碟 （蠔油芥蘭）清灼時菜較健康，芥蘭好新鮮翠綠，而且無渣～份量好足，兩個人食都食唔晒，打包拎番屋企唔浪費～