影片
更多
2015-11-29
301 瀏覽
黎數字屋買野，見隔離嘅商場開左泰園，新張期內有九折，之前食過尖沙咀分店覺得唔錯，晚餐一於食佢啦。上到去發現原來六點先開門，店員見狀話我地可以坐住等，到六點先點菜就得。好好呀，行左成日街真係好攰，想揾個地方坐下呀。環境濶落，坐卡坐空間感勁高。枱上有泰式小擺設，紙巾同牙籤。朋友點左椰青($48)，清甜厚肉，正。自己點左鹹檸七($38)，沒有過鹹又解渴，個日喉嚨好痕，食完杯鹹檸七又好似舒服啲喎。黃咖哩雞($108)除左雞肉，仲有紅青椒、洋蔥、蕃茄仔、薯仔等，都好足料㗎，香料味唔重但食到好香椰漿味，撈飯一流，但可再傑身啲更好。叫左咖哩，又更係要叫返個蒜蓉包($42)點咖哩汁食啦，香香嘅蒜蓉味勁正，成塊掉落咖哩汁度吸下汁先。泰式炒蜆($138)，大排檔炒蜆食得多，泰式第一次食，酸酸辣辣嘅汁好惹味，少少辣又不會蓋過蜆嘅鮮甜，大大一盤隻隻肥美飽滿，好好味呀～蒜蓉牛油雞翼($88)，呢味係友人至愛，去邊都會點嘅，試下泰園嘅先。香濃牛油味，皮脆肉嫩，雞翼好滑又易咬，正正正。日本廣島生蠔半打($128)，仲有生蠔都係友人至愛呀，$128有半打好抵食，好新鮮又肥美，少少檸檬汁已很正，一隻一隻滑入口，半打唔夠
上到去發現原來六點先開門，店員見狀話我地可以坐住等，到六點先點菜就得。好好呀，行左成日街真係好攰，想揾個地方坐下呀。
環境濶落，坐卡坐空間感勁高。枱上有泰式小擺設，紙巾同牙籤。
朋友點左椰青($48)，清甜厚肉，正。
自己點左鹹檸七($38)，沒有過鹹又解渴，個日喉嚨好痕，食完杯鹹檸七又好似舒服啲喎。
黃咖哩雞($108)
除左雞肉，仲有紅青椒、洋蔥、蕃茄仔、薯仔等，都好足料㗎，香料味唔重但食到好香椰漿味，撈飯一流，但可再傑身啲更好。
叫左咖哩，又更係要叫返個蒜蓉包($42)點咖哩汁食啦，香香嘅蒜蓉味勁正，成塊掉落咖哩汁度吸下汁先。
泰式炒蜆($138)，大排檔炒蜆食得多，泰式第一次食，酸酸辣辣嘅汁好惹味，少少辣又不會蓋過蜆嘅鮮甜，大大一盤隻隻肥美飽滿，好好味呀～
蒜蓉牛油雞翼($88)，呢味係友人至愛，去邊都會點嘅，試下泰園嘅先。香濃牛油味，皮脆肉嫩，雞翼好滑又易咬，正正正。
日本廣島生蠔半打($128)，仲有生蠔都係友人至愛呀，$128有半打好抵食，好新鮮又肥美，少少檸檬汁已很正，一隻一隻滑入口，半打唔夠喉呀，哈哈～
咸魚炒椰苗($98)，椰苗翠嫩清爽，咸魚亦咸香甘味，但略微真係咸左少少，加碗白飯應該啱啱好。
最後又梗係要叫甜品，有友人至愛嘅菠蘿，又整返碟冰鎮菠蘿(小)($48)試下先，菠蘿好甜，切得好靚又易食，一叉一粒，旁邊仲有鹽水一碟，友人話點左鹽水食啲菠蘿會無咁易爛口？！雖然唔係好明，但點左食梗甜喎。
後來仲貼心地送上濕紙巾。
食到飽飽，價錢唔平但食物有質素，好坐立，店員服務亦很友善，又可以慢慢食唔使趕交枱，抵啦
張貼
