回家湘

營業中

休息中

見廣告介紹佐敦開咗間新嘅湘菜叫回家湘，廣告寫住向預製菜say no，向機器手say no，哈哈，好似幾得意咁就去試下啦。小店由國內人開業，店員全部講國語，感覺好正宗喎。店員好快送上落餐紙同熱茶，枱面亦有qr code可用wechat落單。⭐乾鍋酸菜肥腸先來盤乾鍋肥腸，由小火爐控熱，辣椒爽口微辣，肥腸真係幾肥，咬落煙韌甘香，仲有唔少酸菜，酸酸辣辣十分開胃🤤⭐鮮炒黃牛肉第二度上嘅係鮮炒黃牛肉，近乎一枱都有叫呢味餸。牛肉嫩滑肉味十足，牛脂甘香，加上爆香嘅蒜頭，真係超好味，淨係呢樣都可以食幾碗飯啦😋⭐剁椒小芋頭最後上嘅係小芋頭，雖然有辣椒但其實唔辣嘅，鹹鹹地有麻油香，小芋頭軟軟糯糯，好好味🤤⭐銀絲卷朋友話主食叫個銀絲卷試下，呢度啲銀絲卷同平時上海舖食開嘅唔一樣，細細個一絲絲，幾可愛喎😍入口香甜鬆軟，好食。⭐五常米飯無飯落肚始終唔習慣，朋友最後都叫咗一碗五常米飯，有飯香，但個人覺得偏淋咗啲。小店有茶位費，而紙巾如果無用過可退返錢，唔使收加一，價錢都幾抵食喎。