緣聚西日餐廳 (西裕街) (已結業)

食放題，梗係第一時間要叫一大盤刺身啦，我點的份量同，上枱的份量是相同的，不會無端端俾少或俾多，帶子很鮮甜，三文魚很新鮮，這間有拖羅點的，梗係第一時間試吓，拖羅色澤很鮮紅，食落口都很鮮味，值得叫你試吓，反正是放題。我都比較喜歡吃壽司，但係又怕食完之後會很容易飽，這間放題的好處是，壽司整得很的骰，細細件，又可以滿足我的食慾，又唔使咁快飽，仲可以食其他嘢。晚市放題仲可以叫蟹腳嚟食，蟹腳很肥美，啖啖肉，很鮮甜。平時係大排檔食嘅黃金蝦，在這裏我也可以搵到，大蝦被鹹蛋黃全隻包住拎去炸，上枱時金黃色，熱辣辣，仲有濃濃的鹹蛋香味，食到停唔到口。一口牛，細細粒，好似骰仔的牛肉粒與洋蔥炒在一起，入口很香蒜蓉及洋蔥味，而且牛肉粒雖然係炒熟咗但係一啲都唔銀。