C3 (已結業)

上星期六約左男朋友食個快lunch! 之前爸爸話呢間野好抵食所以我地就過黎一試！😇我地叫左一個黑椒牛柳絲意粉同黑松露白菌意粉! 另外意粉餐仲包蒜蓉包，南瓜湯或蘑菇湯同一杯野飲！由於店舖屬於小店，廚房好似得一至兩個人主理，我地等左大概十幾分鐘先有得食！黑椒牛柳絲意粉炒得好有鑊氣好有黑椒味，而意粉軟硬度十分適中!炒起都係一條條的！整體唔錯！不過黑松露白菌意粉個人就覺得味道唔算太突出，不過不失，如果可以多的白菌就好了！總括來講，用呢個價錢食到呢個水準既意粉都算係抵食！😋希望小店可以保持水準！