影片
更多
2024-05-20
336 瀏覽
🍜麵館皇 📍銅鑼灣登龍街32號地舖-----放假銅鑼灣周圍都遊客，為咗遠離遊客，所以特登避開去大商場食午餐，選址登龍街嘅呢間麵館小店，之前朋友極力推介過佢地嘅刀削麵，想試好耐。雖說遊客未必識黎，但1點左右黎到，都幾乎滿座，估計工作日應該會更多人。🐥藥膳刀削麵秘製麻辣口水雞朋友話藥膳湯底係主打，飲落確實唔錯，感覺是無味精的天然味道，說不上極其濃郁，但甜甜地，唔會有藥材嘅苦味，無論平時中唔中意藥膳味，都會容易接受。刀削麵煙韌富彈性，帶有少少類似年糕嘅糯口感覺，麵粉味亦香濃，基本上中意澱粉感嘅人都一定會中意。而秘製麻辣口水雞亦有驚喜，雞肉份量多，嫩滑非常，且皮與肉之間有整層上湯啫喱，加上香辣而不嗆喉嘅惹味醬汁，$68呢個價錢，確實係無咩挑剔，如果我係銅鑼灣返工應該會成日黎。🐖藤椒麻醬手擀麵配家鄉祖傅豬軟骨手擀麵比起刀削麵薄身少許，無咁糯口飽肚，但同樣滑溜有彈性，兩款各有千秋。藤椒麻醬汁微辛中帶點香濃麻醬味，加上青瓜之後，濃膩感平衡得不錯，而豬軟骨則是肥瘦適中，雖然份量上沒有麻辣口水雞多，但質感軟嫩中不失爽脆，調味亦恰到好處，也不錯。🥟追加嘅蒸鮮肉大白菜小棠菜雲吞及鮮肉北京水餃都似係自家製造，
📍銅鑼灣登龍街32號地舖
-----
放假銅鑼灣周圍都遊客，為咗遠離遊客，所以特登避開去大商場食午餐，選址登龍街嘅呢間麵館小店，之前朋友極力推介過佢地嘅刀削麵，想試好耐。
雖說遊客未必識黎，但1點左右黎到，都幾乎滿座，估計工作日應該會更多人。
🐥藥膳刀削麵秘製麻辣口水雞
朋友話藥膳湯底係主打，飲落確實唔錯，感覺是無味精的天然味道，說不上極其濃郁，但甜甜地，唔會有藥材嘅苦味，無論平時中唔中意藥膳味，都會容易接受。刀削麵煙韌富彈性，帶有少少類似年糕嘅糯口感覺，麵粉味亦香濃，基本上中意澱粉感嘅人都一定會中意。而秘製麻辣口水雞亦有驚喜，雞肉份量多，嫩滑非常，且皮與肉之間有整層上湯啫喱，加上香辣而不嗆喉嘅惹味醬汁，$68呢個價錢，確實係無咩挑剔，如果我係銅鑼灣返工應該會成日黎。
🐖藤椒麻醬手擀麵配家鄉祖傅豬軟骨
手擀麵比起刀削麵薄身少許，無咁糯口飽肚，但同樣滑溜有彈性，兩款各有千秋。藤椒麻醬汁微辛中帶點香濃麻醬味，加上青瓜之後，濃膩感平衡得不錯，而豬軟骨則是肥瘦適中，雖然份量上沒有麻辣口水雞多，但質感軟嫩中不失爽脆，調味亦恰到好處，也不錯。
🥟追加嘅蒸鮮肉大白菜小棠菜雲吞及鮮肉北京水餃都似係自家製造，唔係好似坊間好多求其嘅餐廳用灣仔碼頭，前者皮薄餡多，後者餃子皮則與刀削麵有異曲同工之妙，一樣係非常有Q勁，幾用心，將餃子浸泡落藥膳湯底再食，會更加提鮮。
張貼
