LAB EAT Restaurant & Bar (金巴利道)

營業中

休息中

話說之前喺ig見到呢到有熔岩芝士食，已經好想嚟試。今次襯男朋友生日就帶佢嚟滿足我嘅願望XDDD男朋友生日係聖誕後，大家仲係holiday mood咁，所以餐廳都幾full（好彩一早book咗，嘻）男朋友中意食蠔但我唔食，所以叫咗蠔俾佢過下口癮。主食叫咗一份五成熟嘅肉眼同卡邦尼扁意粉。肉眼扒牛味夠重，但略嫌有少少過熟去到七成。卡邦尼扁意粉中規中矩，無太大特別。最期待嘅熔岩芝士嚟喇！職員將熱熔芝士刮落火腿同薯仔上面，成件事就好似一個表演咁！芝士味道尚算濃郁，不過真係要食得快啲，因為好快凍咗就會變返做一塊芝士，沾唔到上啲火腿嚟食。最後當然有生日甜品。檸檬Gelato好清新，配返清甜嘅蘋果水晶批，係呢餐飯最好嘅結尾。