越湯

營業中

休息中

好少經過呢頭，正當揾緊食咩lunch嘅時候，比我見到呢間門面設計簡約又新淨的越式餐廳。見到越式PHO湯面居然有和牛配搭，立即試試先！最後點咗越湯招牌火車頭日本A5和牛湯粉追加了小食芝士吉列蝦球，午市本身仲已經包一杯熱飲，揀左熱齋啡。火車頭和牛湯粉材料非常豐富，有牛丸、牛展、牛筋、牛肚、牛柏葉仲有A5和牛片！每樣牛都非常出色，特別係肉汁豐富嘅牛丸，充滿油香嘅和牛片同口感煙韌剛好嘅牛筋，以$68呢個價錢食到以上已經好驚喜。至於湯底方面，係餐廳自家製的和牛湯，飲落好香濃，加上我選擇左嘅金邊粉，湯面上的洋葱，另上的辣椒粒同青檸汁，連個湯面都係咁冇得輸！小食芝士吉列蝦球，配搭左泰式辣醬，不過我就唔係泰式辣醬嘅fans，但點左之後又覺得嘅配合。雖然佢冇寫，但蝦球入面嘅芝士係少少流心同拉到絲的！$18三粒嘅吉列蝦球，好好食而且份量啱啱好。冇諗過一餐尚算平民價錢嘅越式料理可以咁令人驚喜！推介！