花臣車仔麵 (已結業)

今日星期日假期，又是7月1日回歸記念日，同老公去睇升旗儀式，之後想去行下街，因為銅鑼灣那邊有遊行，怕人多擠迫，就去旺角吧！估不到旺角也人多，他們正觀看街頭表演，我同老公就行入比較靜d街道，行到黑布街，見到花臣車仔麵，我同老公不約而同說好耐冇食過了，於是就入去食返碗，店內地方不大，但整體雅潔，而且有樓上雅座，我們見地下有位就不上樓，這店是自助形式，首先劃好餐單，之後去收銀處比錢，待叫號數就去取餐區取食物，另外還可以用自助機自己落單，用八達通比錢，甚為方便。每張枱都放有調味料。我選了：幼麵，湯底是清湯加瑞士汁，餸有：瑞士雞翼、豬大腸、豬紅、豬皮、雲吞、咖哩魷魚，調味醬料和配料就加了沙爹醬、蔥花和榨菜。幼麵好爽口，瑞士雞翼好滑好入味。雲吞入面有爽口的蝦，豬腸洗得乾淨沒異味，夠林又入味，豬紅豬皮都夠味，湯加了沙嗲醬十分惹味！每樣餸都煮得夠味，而且在碗內擺放有序，廚師精心製作，值得一讚！大支裝可口可樂，跟餐加11元老公的油麵，蝦湯，餸選了：炸豬扒、豬軟骨、日式义燒、豬皮、雲吞、魚片頭，加了沙爹醬、炸蒜、榨菜。炸豬扒好大件，老公說又林又入味。凍奶茶：跟餐加8元