影片
更多
2024-08-04
2656 瀏覽
今日星期日去到邊間酒樓都排長隊，本身想行多幾步路去另一間食，行過馬路就見到呢間冇人排隊就上去試下。未食過咁厚嘅腸粉，仲好似未整熟咁，入面仲係粉嘅，肉有味，咬咗一啖，同屋企人齊齊話難食，中伏。點心啲肉唔新鮮，有雪味同酸味，食唔落口。腐皮好硬同乾，咬唔郁。而且唔知落單混亂定係當我水魚，明明落咗幾個午市優惠，後尾又加咗幾個正價點心，埋單嘅時候只計咗兩個點心優惠。算，當我懶，交學費。招呼我哋嘅樓面姐姐態度ok，可能新嚟嘅比較客氣，不過收銀態度就差，唔想再講佢最離譜嘅就係，佢嘅廁所就咁敞開對住食廳，冇個門隔開劃分區域，好似開放式咁，不過好彩個個隔間有門，唔係嘅話食嘢又睇嘢。離食嘢嘅大廳又特別近喔，如果唔係有人去廁所我都唔敢相信嗰個位係廁所，我哋成班人就一邊食嘢一邊欣賞啲客上廁所來來又去去我第一次特登上網俾負評，真係忍唔到，頂唔順呢間嘢
未食過咁厚嘅腸粉，仲好似未整熟咁，入面仲係粉嘅，肉有味，咬咗一啖，同屋企人齊齊話難食，中伏。點心啲肉唔新鮮，有雪味同酸味，食唔落口。腐皮好硬同乾，咬唔郁。
而且唔知落單混亂定係當我水魚，明明落咗幾個午市優惠，後尾又加咗幾個正價點心，埋單嘅時候只計咗兩個點心優惠。
算，當我懶，交學費。招呼我哋嘅樓面姐姐態度ok，可能新嚟嘅比較客氣，不過收銀態度就差，唔想再講佢
最離譜嘅就係，佢嘅廁所就咁敞開對住食廳，冇個門隔開劃分區域，好似開放式咁，不過好彩個個隔間有門，唔係嘅話食嘢又睇嘢。離食嘢嘅大廳又特別近喔，如果唔係有人去廁所我都唔敢相信嗰個位係廁所，我哋成班人就一邊食嘢一邊欣賞啲客上廁所來來又去去
我第一次特登上網俾負評，真係忍唔到，頂唔順呢間嘢
張貼