港澳義順牛奶公司

營業中

休息中

餐飯食得開心唔開心、其實真係好睇職員夠唔夠專業同態度良唔良好，當食物水準一般而職員又唔知作時，評語一定係唔好。好多人都會將薑汁同燉奶mix埋一齊，其實呢度燉奶同薑汁燉奶係分開兩樣野，但當你問職員既時候佢地既答案會令你好唔舒服：「其他地方就有、我地呢度就係無，你鐘意可以去第二度食。」好老實，兩個甜品加份鮮油多已經80蚊，真係可以唔洗幫襯你。當我地落單果陣，侍應居然唔知鮮油多咩number,mark錯喺張單不突止、仲要反問你油多咩number?!我當然答佢唔到啦，佢喺度做都唔知我又點會知。佢索性叫我地坐開d,唔好擋住佢睇個menu,咁做真係令客人好不安。個冰花燉蛋好重蛋味，但帶微腥，好在唔係好甜。個質地都幾幼滑，如無意外可以食曬。但食到最尾4份1就出事，底既燉蛋有少少唔同左色、灰灰地又臭臭地，唔係變壞…..一放入口就舍係個底熱過龍，熱熟曬d燉蛋…..而且底4份1仲好“孩口“,放棄唔食!鮮油多還可以，不過不失、食得下。