陳根記

沙田大牌檔名店 只做walk-in 星期日5點半到已經8成滿 人氣依然爆登 大牌檔例牌菜式應有盡有，有冷氣食鑊氣小炒係正既，叫咗5樣餸埋單$488唔算特別平而且碟頭偏細，性價比唔特別高，仲要山長水遠入石門就唔值得啦😕

咕嚕蝦球

$98

咕嚕蝦球 ($98) 個汁酸甜平衡得幾好，炸漿好鬆化香脆但太厚重，望落大大嚿其實都係只係炸漿厚，蝦球普普通通。

特色甜麵醬魚雲煲

$88

特色甜麵醬魚雲煲 ($88) 個煲細到…. 裡面都唔知有冇半個魚頭😅魚雲亦當然只有一嚿..魚頭有先走油所以有脆感，用甜麵豉醬煮味道夠惹味既，但份量上真係有啲太迷你..

椒鹽九肚魚

$88

椒鹽九肚魚 ($88)新鮮炸出都唔覺油，外脆裡面魚肉熱辣辣軟腍，略嫌炸漿太厚。

金銀蛋白菜仔

$70

金銀蛋白菜仔 ($70)呢碟的份量就乎合返大牌檔標準啦，好多鹹蛋同皮蛋，鹹香十足夠哂味。

1

薑蔥炒豬什

$90

薑蔥炒豬什 ($90)又係好細碟，豬什亦唔係好足料，只有粉腸、豬心、豬肝、豬肚，感覺唔太抵食，不過薑蔥炒係好惹味既。

芒果一口脆

$38

芒果一口脆($38; 8粒) 甜品係分開另一個檔賣 要自行去買帶返位食，脆蛋漿皮蛋香十足，口感外微脆亦帶軟糯，包著冰凍芒果一齊食有多重口感，又真係幾好味果然係招牌甜品。