太興 (萬安商業大廈)

營業中

休息中

晏晝本來想出街食飯先來落大雨，唯有又跟同事叫網上外賣平台外賣。今次喺太興度叫咗個叉燒燒肉飯，等左半個鐘終於到。食物顏色唔算吸引，好深色，同平時行過見到掛喺度果啲咁鮮色都幾大分別。但係食落啲叉燒蜜汁夠晒甜好好味，可惜d肉太瘦，如果係半肥瘦叉燒就正。燒肉有五舊，味道不過不失，望埋去以為燒肉皮好似脆卜卜，但係食落都係唔脆，可能因為外賣焗到冧咗。超多飯啲汁落晒底，撈完唔會太鹹啱啱好。$72一個雙拼飯加一杯熱飲稍貴，不過落大雨都冇辦法。