霸嗎拉麵 (已結業)

一起身就同朋友嚟食拉麵，佢哋一開門我哋就入去，地方好大好舒服。佢拉麵嘅湯底主打豬骨同雞白湯，今期限定仲有龍蝦拉麵；小食就主要係餃子同炸雞。我同朋友都嗌咗炙燒豚肉味玉拉麵。因為朋友之前食過，覺得佢哋嘅湯底偏油，所以我哋今次叫咗少油。佢嘅麵身偏粗，個人比較鍾意食幼身嘅拉麵。塊豚肉原來係慢煮，賣相幾靚！但瘦肉有點鞋口，肥肉又感覺有點油膩，隻溫泉蛋就整得幾靚。反而佢嘅炸雞幾有驚喜，新鮮炸起，好香，雞肉好滑。