影片
更多
2022-04-30
682 瀏覽
我好少寫食評，但係今次都真係唔寫條氣唔順。今日喺附近食完晏，想買杯台式飲品做甜品。中環街市內選擇頗多，最後揀咗呢一間。我行過去同收銀員講：「要一份白珍珠烏龍奶茶及鮪魚玉米卷。」佢即時反應係先嘆一聲長氣，再黑住面咁講（係，戴住口罩都見到佢黑面）：「你下次講咗要咩嘢食，先好叫嘢飲啦。」（按：我估因為食物同飲品可以當一個餐咁叫，但係因為我唔跟「規矩」，打亂佢入電腦嘅順序，所以嬲嬲豬🙄）我當堂呆咗，因為我係攞住張雙面外賣餐單黎叫，餐單上亦都冇寫明需要顧客叫咗嘢食先，再叫嘢飲。當下感覺非常不良好，點解呢個服務員嘅態度可以咁差！不過我冇即刻反駁佢（雖然而家諗返都有少少不忿），之後等候期間，發現佢連張單都出錯。我明明係要白珍珠，佢就出咗黑珍珠。我再走過去提醒佢，佢當時喺度同其他職員嘻嘻哈哈，對落錯單一點都不在乎，連基本禮貌都冇。如果呢間店主睇到呢個post，請你重新檢視你旗下嘅店員工作態度及表現！疫情期間，真係唔需要去幫襯呢種貼錢買難受嘅舖頭！
今日喺附近食完晏，想買杯台式飲品做甜品。中環街市內選擇頗多，最後揀咗呢一間。
我行過去同收銀員講：「要一份白珍珠烏龍奶茶及鮪魚玉米卷。」佢即時反應係先嘆一聲長氣，再黑住面咁講（係，戴住口罩都見到佢黑面）：「你下次講咗要咩嘢食，先好叫嘢飲啦。」（按：我估因為食物同飲品可以當一個餐咁叫，但係因為我唔跟「規矩」，打亂佢入電腦嘅順序，所以嬲嬲豬🙄）
我當堂呆咗，因為我係攞住張雙面外賣餐單黎叫，餐單上亦都冇寫明需要顧客叫咗嘢食先，再叫嘢飲。當下感覺非常不良好，點解呢個服務員嘅態度可以咁差！
不過我冇即刻反駁佢（雖然而家諗返都有少少不忿），之後等候期間，發現佢連張單都出錯。我明明係要白珍珠，佢就出咗黑珍珠。我再走過去提醒佢，佢當時喺度同其他職員嘻嘻哈哈，對落錯單一點都不在乎，連基本禮貌都冇。
如果呢間店主睇到呢個post，請你重新檢視你旗下嘅店員工作態度及表現！疫情期間，真係唔需要去幫襯呢種貼錢買難受嘅舖頭！
張貼