Pokka Cafe (已結業)

兩星期前曾光顧這間餐廳，點了日式豬扒定食，除了個味噌湯鹹了些外，都合格嘅，另一個鰻魚石頭鍋飯就真係覺得好唔掂，食唔出究竟是什麼味道。今日心情好，就比多次機會你，希望廚師個日係一時失手，點知又再一次"中伏"，最簡單嘅三文治竟然做到外脆內韌，即係連麵包都要隔夜，紅酒燴牛尾意粉欠缺了應該有的濃郁味道，淡淡的不是紅酒、不是蕃茄；也不是燒汁，咁呀廚師你想點呀！最後的芝士海鮮焗飯，吓爛飯....我唔食軟飯，普通午餐嘅所謂海鮮都唔會有乜祈望，但都正正經經淋個芝士沐再焗香那"冰鮮"+飯就收貨，但連這麼小的要求都做唔到，肯定沒第三次。