HMV Kafé (已結業)

一日不見如隔三秋，屋企條乸同屋企人去咗旅行，一去就十五個秋。呵呵，可以休息下啦！一支公食咩好呢？一個人悶悶地，就不如一個有得聽音樂嘅地方，於是我就一支公去咗銅鑼灣HMV四樓嘅HMV Kafé覓食（大家唔好誤會）。點知因為今日係星期四，人哋無HMV Live囉！好彩都有MTV播下，都無咁悶！Spring唔好講咁多，整杯嘢飲先！店員推介HMV Kafé Special Mocktail，有Spring，Summer，Autumn同Winter四季。我最後揀咗Spring, 桃茶加菠蘿汁，加埋蜜糖，入口比較甜。黑松露脆薯條唔好講咁多，整個小食嚟食下先。薯條新鮮炸起，金黃色熱辣辣。最正係薯條粗切，好有口感，薯仔味好重。配埋嗰黑松露醬，真係無得彈，正！龍蝦湯煮原條烤魚配海鮮及雜菜嘩！一嚟到就好香啦！有陣陣龍蝦湯味。A姐教落第一時間梗係試咗嗰湯先，龍蝦味香濃，不過比較稀，可能因為加咗蔬菜，出咗水。除咗蔬菜之外，仲有青口同蜆，好彈口。到主角條烤魚啦，真係好大條，外皮香脆，肉質嫩滑，非常彈牙。講真，一個人食，真係好飽，好滿足！