三洋餐廳 (已結業)

是日因為下午放假，所以乘機約準備下午開工的好友到佢經常到的其中一餐茶餐廳午餐，好友總愛某幾間茶餐廳輪流食，始終家中長輩極少煮飯，所以佢唔會去定某一間茶餐廳午餐呢間茶餐廳會列明星期一至五的餐牌，如果星期一食，咁就可以知道未來幾日食d乜而我跟好友不約而同點了A餐的煙肉汁石班帶子，其實正名應該係白汁煙肉魚柳炸帶子，煙肉見到有切條，魚柳肉不錯，好過食大家樂，炸帶子唔太乾，諗起很久沒有去急凍食品店買來自煮（細細個時老媽成日煮給我吃）整體算是不錯，我叫了凍檸水，但好耐冇到，催促下才出現，餐牌冇寫明凍飲加3蚊，好在我有sense，埋單共81蚊（好友飲熱飲）